నా జీవన పరమావధి నాట్యం
నటరాజే నా ఆరాధ్య దైవం
నటనమే నా ఆరాధనం
నృత్య గీతానికి తొలి చరణాన్ని
నటరాజ పాద కళా మంజీరాన్ని
నాట్య యజ్ఞానికి సుమనోజ్ఞ సమిధను
భావ రాగా తాళాలకు ప్రాణాన్ని
కంచు తాళాల గంభీర ధ్వనిలో
మంద్ర మృదంగ లయలో
రసః హృదయ రాగాలాపనలో
తరంగితాంతరంగనై - శబ్ద తరంగాన్నై
లయనై - కింకిణీ శబ్ద లయనై
ఆలాపననై - రాగాలాపననై
రాధనై - నాట్య కళారాధనై
మేళవించాను, ముగ్ధనయ్యాను
సంగమించాను, స్వరాన్నయ్యాను
నేను నర్తకిని
రక్తిమ నిండిన రాగాను నర్తకిని
పల్లవి నా ప్రాణం, రాగం నాగానం
గగన తలాన్ని చుంబించే
విన్యాసం నా హృదయం
హిమవన్నగ జాత గిరిజ నటరాజును వీడదు
గంగా తరంగ ఝరులలో తడిసిన
ప్రమోదకాల నాట్య మంజరి
వెండి కొండను వీడదు
No comments:
Post a Comment